Strauss-Kahn salatu zuen emakumea fiskaltzarekin bilduko da gaur

Naffissatou Diallo, Dominique Strauss-Kahn Nazioarteko Diru Funtsaren zuzendari ohia sexu-erasoarengatik maiatzean salatu zuen emakumea, Manhattaneko fiskaltzarekin bilduko da astelehenean, abuztuaren 22an, arratsaldean. Bileran, fiskaltzak aurreratuko dio Diallori zer gertatuko den gortean bihar, asteartean; egun horretan, auziaz arduratzen ari den epaileak erabaki beharko du Strauss-Kahnen aurkako epaiketa abian jarriko duten, ala, alderantziz, New Yorken hasitako auzia ez duen onartzen.

Dialloren abokatuek uste dute fiskaltzak Strauss-Kahnen aurkako auzia ez onartzea eskatuko diola Michael Obus epaileari, Kenneth Thompson letraduak "The New York Times" egunkariari larunbatean azaldu ziones. Thompsonen iritziz, astelehenean egingo duten bilerak fiskalek kargu batzuk ala guztiak ez onartzeko eskatuko dutela probatzen du; hHorrela izango ez balitz, abokatuak esan duenez, asteleheneko bilerak ez luke inolako zentzurik izango.

Dominique Strauss-Kahn maiatzaren 14an atxilotu zuten New Yorken, John F. Kennedy aireportuan; Nafissatou Diallo, Strauss-Kahn bertan erabilitako hotelero langileak, sexu-erasoa leporatu zion. Uztailaren 1etik, fidantzarik gabeko baldintzapeko askatasunean dago, fiskaltzak salaketaren sinesgarritasuna zalantzan jartzen zituen argudioak aurkitu ondoren.

Fiskaltza, halaber, emakumearen abokatuak politikari frantziarraren letraduei auzitegitik kanpoko akordio bat eskaini zien ere ari da aztertzen. Iturri batzuek esan dutenez, Dialloren sinesgarritasuna zalantzan jartzen hasi zirenean egin omen zuen eskaintza. Oraingoz, eta asteartera arte, aukera guztiak, bi aldeen arteko akordioa barne, kontuan hartzeko modukoak dira.