Frantziako Gobernuak soldata handien gaineko presio fiskala igo du

Frantziako Gobernuak soldata handien gaineko presio fiskala handitzeko erabakia hartu du. Horrela, urtero 500.000 euro baino gehiagoko soldatek % 3ko zerga berri bat ordaindu beharko dute. "Ezohiko zerga bat izango da eta % 3ko defizita lortzean (aurreikuspenen arabera, 2013. urtean), zerga hura bertan behera geratuko da", azaldu du François Fillon Frantziako lehen ministroak.

Neurri berri hauei esker, 2011 eta 2012 urteen artean, defizit publikoaren 12.000 milioi euroko aurrezpena lortzea eta 2011rako aurreikusitako defizit maila (% 5,7koa) bermatzea espero du Frantziako Gobernuak. Izan ere, defizit maila urtez urte murriztea bilatuko du, 2013. urtean % 3ko defizita lortu arte.

Honekin batera, Fillonek Frantziako hazkunde aurreikuspenak murriztu ditu: 2011rako, % 1,75ean kokatu dute (lehen, % 2an) eta % 2an 2012rako (lehen, % 2,5ean).

Gainera, gizarteen gaineko zergak aldatzea eta zenbait "horma-hilobi fiskalaren" desagerpena, besteak beste, hartzen duten neurriak aurkeztu ditu lehen ministro frantziarrak.