Mundua -
Ameriketako Estatu Batuak
Hirugarren graduko hilketa egotzi diote George Floyd ito zuen poliziari
Agentea ostiral honetan atxilotu dute, eta arduragabekeriazko homizidioa ere leporatu diote.
Agentziak | Erredakzioa
Derek Chauvin polizia-agenteari hirugarren graduko hilketa eta arduragabekeriazko homizidioa egotzi diote ostiral honetan, George Floyd afroamerikarraren heriotzarekin lotuta, Hennepingo konderriko fiskalak jakinarazi duenez. Floyd astelehenean hil zen, Minneapolisen, Minnesotan, Ameriketako Estatu Batuetan.
Karguen berri ostiral honetan eman dute, Chauvin atxilotu eta berehala. Agentea herritar batzuek grabatutako bideo batean agertzen da. Irudietan, ikusten zaio belauna biktimaren lepoaren gainean duela, presioa egiten. Biktimak ezin zuen arnas hartu, bideoan baieztatzen denez.
Testuinguru honetan, Derek Chauvin agentea atxilotu dute. Floyden heriotzaren ondorioz, hainbat eta hainbat protesta izan dira herrialdean.
Toki-hedabideen arabera, Minnesotako Segurtasun Publikoko mandatari John Harringtonek iragarri du Floyden heriotzarekin ustez izandako loturagatik atxilotu egin dutela Chauvin.
