Mundua -
Atentatua Iraken
12 hildako eta 30 zauritu Iraken atentatu hirukoitz batean
Gobernuko eraikin batean bi lehergailuk egin dute eztanda, eta bertara zihoan segurtasun indarren kotxe baten aurka bota dute hirugarren lehergailua.
Erredakzioa
Gutxienez 12 lagun hil dira eta beste 30 zauritu dira Kerbala hiri santu xiitan hiru lehergailuk eztanda egin ostean, Bagdadetik 110 kilometro hegoaldera dagoen hirian.
Nortasun agiriak eta pasaporteak egiten dituzten Gobernuko erakin batean bi lehergailuk batera egin dute eztanda, hiri erdialdean.
Jarraian, bertara zihoan segurtasun indarren kotxe bat pasa denean hirugarren lehergailu batek egin du eztanda.
Kerbalara erromes asko joaten dira, Mahoma profetaren bilobak eta xiitentzat pertsonaia nagusia den Aliren semeak, Husein eta Abas imanen santutegiak baitaude bertan.
Hiri honetan xiiten aurkako atentatu asko egon dira santutegietara joaten direla aprobetxatuta.