Mundua -
Tiroketa
Gizon batek zortzi pertsona hil ditu Kaliforniako ile-apandegi batean
Beste pertsona bat larri zauritu da eta haren egoera kritikoa da. Tiroen egilea atxilotuta.
Erredakzioa
Gutxienez zortzi pertsona hil dira eta bat larri zauritu da Seal Beach herriko (Kalifornia, AEBak) ile-apandegi batean jazotako tiroketa batean, Poliziak jakinarazi duenez.
Biktimetako sei ile-apandegian bertan hil ziren, eta beste biak ospitalean. Zauritutakoa egora kritikoan dago, Steve Bowles Seal Beacheko Poliziako buruak azaldu duenez.
Tiroketa 13:30ean (22:30 Euskadin) gertatu zen. Ordu horretan, gizonezko bat apaindegian sartu eta tiroka hasi zen.
Ondoren, ihes egin zuen auto batean, baina handik eta gutxira atxilotu zuten.
Oraindik ez dakite zer dela eta hasi zen tiroketa gizonezkoa, baina ile-apaindegiko langile batek esan du beste langile baten senarra dela.
Seal Beach herria Los Angelesetik 45 kilometro hegoaldera dago eta 25.000 biztanle ditu.