Mundua -
Gerra Libian
Matxinoek Sirte mendean hartu dute, Gadafiren azken gotorlekua
Libiako Transizio Kontseiluko iturriek adierazi dutenez, Sirte hiria "mendean hartu" dute, baina oraindik erasoaldiek jarraitzen dutela adierazi dute.
Erredakzioa
Libiako Transizio Kontseiluak Sirte hiria "askatu" dutela adierazi du, hala jakinarazi du Al Yazira telebista kateak. Kostaldean dagoen hiria Gadafiren aldeko indarren azken gotorlekua da.
"Sirte hiria guztiz askatu dugu, baina borrokaldiek jarraitzen dute oraindik. Gadafiren aldekoek kanpoaldera egin dute ihes", adierazi du matxinoen buruetako batek.
Errebeldeen beste buruzagi batek ere baieztatu du Sirte mendean hartu dutela. Abuztuan Tripoli mendean hartu eta gero, Gadafiren aldekoen azken gotorlekua zen Sirte.