Europar Batasunak Iranen kontrako isun berriak prestatzea adostu du

EBko Atzerri ministroek Irango programa nuklearra dela eta isun berriak prestatzea adostu dute, besteak beste, herrialdeko finantza eta petrolioaren sektorearen kontrako neurriak prestatu nahi dituzte.

Idatzizko deklarazio batean, 27 herrialdeetako ordezkariek azaldu dutenez, Irango finantza sistemari eta garraio eta energiaren sektoreari gogor eragin diezaieketen isunak areagotzea adostu dute.

Itunak EBko adituei aurrera egitea ahalbidetuko die, hainbat gobernuk petrolio inportazioen blokeoa nahi dute.

Hala ere, oraingoz, ez dago akordiorik, izan ere, neurri horiek Europako herrialde batzuei eragin diezaieke, tartean Greziari. Atenasek Greziako gordina oso baldintza onetan eskuratzen du, eta hortaz zaila da horri uko egitea herrialdeak bizi duen egoera ekonomikoa ikusita.

Datorren urtarrilean aurreikusita dagoen Atzerri ministroen bilerarako prest egon beharko dute isun berri horiek.

Gaur EBk Irango programa nuklearra babesteagatik isuna duten erakunde eta pertsonen zerrenda handitzea onartu du, beste 180 izen gaineratu beharko zaizkio zerrenda horri.

Pauso guzti hauek Energia Atomikoaren Nazioarteko Erakundearen txostenaren erantzuna dira. Erakunde horrek, hain zuzen, arma nuklearrak sortzeko beharrezkoa den teknologia erabili izana egozten dio Irani.