Mundua -

HAUTESKUNDEAK EL SALVADORREN

Bukelek gehiengo absolutua lortu du El Salvadorreko Parlamenturako hauteskundeetan

Nayib Bukele herrialdeko presidenteak garaipena ospatu du. Garaipen argi horri esker, Auzitegi Goreneko edota Fiskaltzako karguak izendatzeko erraztasun handiagoa izango du aurrerantzean.

Nayib Bukele El Salvadorreko presidentea. Artxiboko argazkia: EFE
Nayib Bukele El Salvadorreko presidentea
Nayib Bukele El Salvadorreko presidentea. Artxiboko argazkia: EFE

EITB MEDIA | AGENTZIAK

Whatsapp Facebook Twitter Telegram Email

Nayib Bukele El Salvadorko presidentearen alderdia buru duen koalizioak (Ideia Berriak + GANA) irabazi ditu igandean egin diren Parlamenturako hauteskundeak, Hauteskundeetako Auzitegi Gorenak botoen % 84,92 zenbatuta zabaldutako datuen arabera.

Ideia Berriak alderdiak botoen % 60 eskuratu ditu, GANAren, ARENAren eta Nazio Askapenerako Farabundo Marti Frontearen aurretik.

Nayib Bukele herrialdeko presidenteak berehala ospatu du garaipena. "Ideia Berriak + GANAk 60 diputatu baino gehiago izango dituzte Asanblea Nazional berrian. Mila esker El Salvadorko herriari. Eskerrak Jainkoari", esan du agintariak Twitterren zabaldutako mezu batean.

Parlamentuan gehiengo absolutua izateak botere politikoa sendotzea ahalbidetuko dio Bukeleri. Besteak beste, Auzitegi Goreneko edota Fiskaltzako karguak izendatzeko erraztasun handiagoa izango du aurrerantzean. Azkenaldian ika-mikak izan ditu organo horiekin guztiekin.

Hauteskundeetako Auzitegi Gorenaren esanetan, parte-hartzea % 51koa izan da, 2.748.000 pertsonak eman baitute botoa.

Hau zure interesekoa bada, baliteke beste gai hauek ere izatea
Egungo munduko albisteak Prentsa digitalaren azken orduko Gaurko azken orduko albistea Latinoamerikako albisteak Hauteskundeak