Ikuskatzaile arabiarrek ez dute Al Asad kikildu

Ez dago batere garbi zertarako balioko duen Liga Arabiarraren begiraleen bisitak. Begirale horiek herrialdean bertan dira dagoeneko, eta hala ere, Gobernuak areagotu egin du errepresioa HOMS-en, errejimenaren kontra iraultza sortu den hirian hain zuzen.

Bashar El assad presidente siriarrak Armada kaleetatik erretiratzeko promesa egin zuen. Horrez gain, preso politikoak aske uzteko eta oposizioarekin elkarrizketa hasteko prest agertu zen. Hiru gauzetatik bakar bat ere ez du bete. Orain, berehala egiten ez badu, aurrerapausorik ez dela egon esan beharko dute begiraleek, eta ondorioz, isun berriak jarriko lituzke Liga Arabiarrak Siriaren kontra.

Assad ez da ergela. Hortaz, izango du ezkutuan iñork ezagutzen ez duen amarruren bat. Seguru asko, begirale arabiarrei biktima bera dela sinestarazten ahaleginduko da, oposizioa bera agintetik botatzeko indarkeria erabiltzen ari dela esango die.

Eta froga gisa erabiliko du, pasa den ostiralean Damascon izan zen atentatu bikoitza. Gobernuak Anai Musulmanei leporatzen die, baina oposizioak behin da berriz dio, atentatuak errejimenak berak prestatu zituela begirale arabiarrei presioa egiteko.

Une honetan segurua den bakarra, jendea hiltzen ari dela, eta datu ofizialik ez badugu ere, hainbat txostenen arabera, 4.000 lagun hil dira pasa den otsailean protestak hasi zirenetik.