Mundua -
Reinaldo Bignone general ohia
15 urteko kartzela zigorra ezarri diote Argentinako azken diktadoreari
Epai hau diktadore ohiak jaso dituen biziarteko kartzela zigor biei gehituko da. Zigor hauek diktaduran hilketak egiteagatik ezarri zizkioten.
Erredakzioa
15 urteko kartzela zigorra ezarri diote Reinaldo Bignone Argentinako azken diktadoreari ospitale publiko bateko ezkutuko kartzela batean gizateriaren kontrako krimenak egotzita 1976 eta 1983 bitartean, diktadura garaian.
Epaia Buenos Airesko Ahozko bigarren auzitegi federalak eman du eta Bignonek jaso dituen biziarteko kartzela zigor biei gehitu da. Diktadore ohiari, 83 urte dituela, ezarri zizkioten zigor hauek diktadura garaian hilketak egiteagatik.