Kim Jong Un-ek irudi publikoa areagotu du kuartel bati bisita eginez

Kim Jong Un Ipar Koreako liderrak kuartel militar bati bisita egin dio, hile honetan bosgarrenez, Ipar Koreako hedabide ofizialek aditzera emandakoaren arabera. Agintaria gero eta sarriago agertzen ari da jendaurrean aita hil zenetik, bere irudia sendotzeko, Hego Koreako hedabideen ustez.

Kim Jong Il-en ondorengoak aita abenduaren 17an hil eta gutxira hartu zuen boterea. Yonhap Hego Koreako agentziak zabaldu duenez, "Armadaren agintea eta kudeaketa hobetu beharra azpimarratu du", baita "diziplina zorrotza" jartzearena ere. Horretarako "ofizialek ahalegin bateratuak" egin beharko dituztela azaldu du.