Romneyren kide batek dimititu du amoranteari xantaia egiteagatik

Paul Babeau Arizonako sheriffek Mitt Romney hautagai errepublikanoaren kanpainaren presidenteordetza kargua uztera behartuta ikusi du bere burua, AEBetatik botatzearekin amorante mexikarra mehatxatu zuela komunikabide batek salatu ostean. Babeauk homosexuala dela aitortu badu ere, 'Phoenix New Times' kazetak jasotako mehatxuak errefusatu ditu.

Halaber, amorantearen izen-abizenak esatera uko egin dio, "Jose" izena bakarrik aipatu du eta erbesteratzearekin amorantea mehatxatu izana ukatu du. "Adierazpen guztiak faltsuak dira, gay naizela diotenak salbu", esan du Arizonako sheriffek.

Romneyren kanpainak Babeauren erabakia babestu du haren kargua "borondatezkoa" zelakoan.