Espainiak Damaskoko enbaxadako jarduera bertan behera utzi du

Atzerri Arazoetako ministroak, Jose Manuel Garcia-Margallok, Espainiak Damaskon duen enbaxadako jarduera bertan behera uztea erabaki dutela jakinarazi du Senatuan gaur arratsaldean.

Goizean adierazi duenez, diplomazialari bik jarraituko dute Damaskon, Europar Batasunaren ordezkaritzan, Sirian bizi diren espainiarrez arduratzeko.

Espainiaren erabakiak ez du berez enbaxadaren itxiera suposatzen, ministroak azaldu duenez; izan ere, "langileek enbaxadako lanak egiten jarraituko dute".

Bestalde, enbaxadako bi funtzionario EBk Damaskon duen ordezkaritzara gehituko dira "bertan gelditzen diren espainiarrak babesteko".

Espainiak eta Alemaniak Erresuma Batuak eta Frantziak hartutako erabaki berdina hartu dute; Italia, aldiz, "gauza bera egitea pentsatzen ari da", ministroaren hitzetan.