Ebakuntza-gela batean sartu da eta lapurreta egin du, Venezuelan

Lapur bat Maracayko (Venezuela) Gurutze Gorriko ospital bateko ebakuntza-gela batean sartu da eta ebakuntza egiten zeuden medikuei eta erizainei zeramatzaten guztia lapurtu die, Globovision telebista kateak jaso duenez.

Venezuelako Gurutze Gorriko presidenteak azaldu duenez, gertaera joan den ostegunean jazo da, lapurra operazio-gela batean sartu eta bertan zeudenei dirua eta gainontzeko guztia kentzen hasi denean. Ondoren, motor bat hartu eta, kide batekin, ihes egin du.

Gurutze Gorriko arduradunaren arabera, "gertatutakoa ez ohikoa eta lotsagarria da". Gainera, agintariei ikerketak aurreratzeko eta ospitalerako segurtasun handia eskatu die. "Lapurra askatasun osoz eta inolako trabarik gabe irten zen osasun-zentrotik. Poliziari abisua eman genion baina bertaratu zirenean, lapurreta eginda zegoen jadanik", salatu du.