Mundua -
Istanbul
11 langile hil dira Turkian, obretan dagoen hotel batean sua piztuta
Sutea obra-etxola batean piztu da, gautu eta ordu batzuetara. Biktimak kanpin-dendetan lo egiten ari ziren.
Erredakzioa
Hamaika langile hil dira igande honetan Turkian, Istanbulen, obretan dagoen hotel batean sutea piztuta, CNNTurk telebista-kateak jakinarazi duenez.
Poliziaren iturrien arabera, sutea obra-etxola batean piztu da, Esenyurt barrutian, gautu eta ordu batzuetara.
Suhiltzaileak eta anbulantziak berehala bertaratu dira, baina halere kanpin-dendetan lo egiten ari ziren 11 langile hil egin dira, kea arnastuta.
Poliziak, Fiskaltzak eta suhiltzaileek ikerketa abiatu dute, sua zerk piztu duen argitzeko.