Mundua -
Tiroketa batean
Ikasle bat tirokatuta hil da Misisipiko Unibertsitatean, AEBetan
Ikasle-egoitzako logelan zegoela, ikasleak tiro batzuk jaso zituen. Tiroketa larunbat gauen jazo da eta susmagarriak campusetik ihes egin zuten hiru gizonezko dira.
Erredakzioa
AEBetako Misisipiko Unibertsitateko ikasle bat tirokatuta hil da larunbat gau honetan campusean izandako tiroketa batean, "Starkvilledailynews" tokiko kazetak zabaldu duenez.
Maridith Geuder unibertsitateko bozeramaileak jakinarazi duenez, ikasleak zenbait tiro jaso zituen, ikasle-egoitzako logelan zegoela. Oraindik bizirik egonda, ospitalera eraman zuten baina ondoren bertan zendu zen.
Misisipiko Unibertsitateko webgunearen arabera, jazoera larunbat gauean izan da. 22:38ak aldera tiroketa bat izan ostean, ibilgailu urdin batean Evans Halls ikasle-egoitzatik ihes egin zuten susmagarriak diren hiru gizonezko.
Biktimaren izen-abizenak ez dituzte jakitera eman eta sheriffeko egoitzak ez du oraindik jazoeraren berririk zabaldu.