Tren istripua izan da Holandan eta 13 pertsona egoera kritikoan daude

Gutxienez 126 pertsona zauritu dira, horietatik 13 egoera oso larrian daude, Amsterdamen izandako tren istripuaren ondorioz. Expreso batek eta tokiko tren batek aurrez-aurre talka egin dute, NOS Herbereetako katearen arabera.

Momentuz, ez dago argi hildakorik dagoen ala ez, baina egoera kritikoan dauden zaurituez gain, 56 lagun larri daude.

Istripua 18:00ak aldera gertatu da, Westerpark parkean, eta bertara joan dira hainbat anbulantzia eta helikoptero bat trenetan dauden zaurituak handik ateratzeko.

Tren batek Den Helder eta Nijmegen hirien arteko ibilbidea egiten zuen, eta besteak, aldiz, Amsterdam eta Uitgeest lotzen zituen, trenbide zerbitzuko iturri baten arabera.