Errusiar nerabe batek 8 urteko haurra hil du ordenagailua lapurtzeko

Errusian 14 urteko nerabe batek Iliaz Davletmuratov 8 urteko haurraren ordenagailu eramangarria lapurtzeko hil izana onartu du, Errusiako arduradunek aditzera emandakoaren arabera.

Ustezko hiltzailea astelehenean atxilotu zuten Siberiako Krasnoyarsk hirian eta galdeketan haurra hil zuela onartu zuen, Instrukzio Batzordearen arabera.

"Atxilotuak gertatutakoa onartu zuen eta hilketan erabilitako aiztoaren ezkutalekura eraman gintuen", esan dute Instrukzio Batzordeko iturriek.

Hasierako bertsioaren arabera, Iliazekin kalean egin zuen topo atxilotuak apirilaren 28an, eta haren anaia zaharrenarekin egoteko aitzakiaz baliatuta, etxebizitzan sartzea lortu zuen.

"Han sukaldeko aiztoa hartu eta haurrari ordenagailu eramangarria hartzeko esan zion. Eremu batera eraman eta bertan hil zuen ordenagailua lapurtzeko", iturrien arabera.

Sakan bateanIliazek sastada ugari jaso zituen, bular aldean batez ere, eta horien ondorioz hil zen.

Haurra aurkitzeko lanetan 200 pertsonatik gora parte hartu zuten, Poliziak hilotza larunbatean, sakan batean, aurkitu zuen arte.