Mundua -
Herrialdearen hego-ekialdean
17 adingabe hilik aurkitu dituzte taberna baten barruan, Hegoafrikan
Heriotzen nondik norakoak argitzeko daude baina, lehenengo informazioen arabera, urtebetetze batzuk ospatzen ari ziren bertan.
AGENTZIAK | ERREDAKZIOA
Hegoafrikako agintariek jakinarazi dutenez, gutxienez 17 adingabe hilik aurkitu dituzte igande honetan East London hiriko taberna baten barrualdean. Jazoera Ekialdeko Caboan gertatu da, Hegoafrikako hego-ekialdean. Heriotzen nondik norakoak argitzeko daude.
Hildakoen adina baieztatu dio Thembinkosi Kinana Segurtasun Saileko probintzia-bozeramaileak EWN Hegoafrikako albiste-agentziari.
Unathi Bonqosi Eastern Cape Transporteko bozeramaileak ere hildakoak haurrak direla adierazi du, eta pazientzia eskatu du Enyobeniko tabernan gertatutakoa argitzeko Polizia lanean dabilen bitartean.
Tabernako Facebook orriaren arabera, jai tematikoa egiteko erreserbatuta zegoen tokia, eta bi pertsonaren urtebetetzeak ospatzera zihoazen.