Mundua -

Nobel sariak

Nobel astea Medikuntzako edo Fisiologiako sarituen iragarpenarekin hasiko da

Sariak urriaren 10era bitartean iragarriko dituzte, ordena honetan: asteartean, Fisikakoa; asteazkenean, Kimikakoa; ostegunean, Literaturakoa; ostiralean, Bakekoa; eta astelehenean, Ekonomiakoa.

Urriaren 3an hasiko dira Nobel sarien irabazleak ezagutzera ematen.
Urriaren 3an hasiko dira Nobel sarien irabazleak ezagutzera ematen.
Urriaren 3an hasiko dira Nobel sarien irabazleak ezagutzera ematen.

Agentziak | EITB MEDIA

Whatsapp Facebook Twitter Telegram Email

Aste honetan emango diote hasiera Nobel asteari, Karolinska Institutuak Medikuntzan edo Fisiologian sarituko dituztenen iragarpenarekin. Ondoren, urriaren 10era bitartean, Kimika, Fisika, Literatura, Bakea eta Ekonomiako saridunak zeintzuk diren jakinaraziko dute; azken premio hori da Alfred Nobel asmatzailearen testamentuan ezarrita ez dagoen bakarra.

Medikuntzako sariaren ondoren, asteartean, Fisikakoa iragarriko dute; asteazkenean, Kimikakoa; ostegunean, Literaturakoa; ostiralean, Bakearena -Stockholmen eman beharrean, Olson iragarri eta ematen den bakarra-; eta astelehenean, Ekonomiakoa jakinaraziko dute. Azken sari horri Alfred Nobelen Omenezko Suediako Bankuaren Saria deitzen zaio.

Beste kategoriak dinamitaren asmatzaileak zehaztu zituen bere testamentuan, eta horrek bere aberastasuna utzi zuen zientzietan, literaturan eta bakearen bilaketan nabarmendu direnentzat esker ona emateko.

Nobelek ez zuen seme-alabarik izan, baina bai oinordekoak izan zitezkeen ahaideak, eta oinordetzan jasotako ondasunak hondamendi bat direla zioen.

Hala, testamentuan xedatu zuen bere dirua higiezin-baloreetan eta aseguruetan inbertitzea, eta interesak bost zati berdinetan banatzea, beste hainbeste eremutako pertsona ospetsuak saritzeko, nazionalitatea edozein izanda ere.

Sei hamarkada geroago, Suediako Bankuak Ekonomiako saria ezarri zuen, 1969tik ematen dena.

Nobel saridun guztiek antzeko hautaketa-prozesua darabilte: zientzialariek, akademikoek edo unibertsitateko irakasleek beren hautagaiak izendatzen dituzte, eta Nobel batzordeek hainbat baheketa ezartzen dituzte irabazlea edo irabazleak aukeratzeko, gehienez, sari bakoitzeko hiru.

Eta zuzkidura ekonomiko bera dute, aurten 10 milioi koroa suediar (916.000 euro edo 882.000 dolar).

Hau zure interesekoa bada, baliteke beste gai hauek ere izatea
Nazioartea Nobel sariak Eguneko albisteak Albisteak