Mundua -
Alabaman
Hiru hildako unibertsitate-egoitza batean izandako tiroketan, AEBetan
Sheriffeko Bulegoak jakitera eman duenez, zaurituak "larri" daude. Poliziak oraindik ez du erasotzailea atxilotu.
Erredakzioa
Gutxienez hiru lagun hil dira larunbat honetan AEBetako Alabamako unibertsitate-egoitza batean izandako tiroketa baten ondorioz, WTVM tokiko telebista kateak jakitera eman duenez.
Tiroketa bart izan da eta "hainbat biktima" eragin ditu University Heights Drive 202 unibertsitateko-egoitzan. Bertan kirolariak gehienbat bizi dira.
Sheriffeko Bulegoak jakitera eman duenez, zaurituak "larri" daude eta ospitalera eraman dituzte. Poliziak oraindik ez du erasotzailea atxilotu.
Hainbat lekukok esan dutenez, biktimetako bat AEBetako futbolaria da unibertsitate horretan, eta litekeena da tiroketa jai batean izandako liskar baten ondorioa izatea.
