Mundua -
Europar Batasuna
Euroganberak Marc Angel aukeratu du Eva Kailiren ordez, Qatarko eroskeria sareagatik kargugabetua
Politikari sozialistak bosgarren presidenteorde kargua beteko du Europako Parlamentuko Mahaian. Organigramak 14 presidenteorde ditu, erantzukizun desberdinekin.
AGENTZIAK | EITB MEDIA
Europako Parlamentuak Marc Angel sozialista luxenburgotarra aukeratu du gaur ganberako presidenteorde, Eva Kailiren ordez. Eva Kaili greziarra, sozialista ere, kargutik kendu dute, Qatarko eroskeria sarean inplikatuta dagoelakoan, eta behin-behineko espetxealdian dago Belgikan.
Hainbat bozketa txanda izan dituen prozesuan, Angelek Annalisa Tardino Matteo Salviniren Ligako eurodiputatuaren eta Gwendoline Delbos-Corfield Berdeen Frantziako ordezkariaren hautagaitzak gainditu ditu.
Luxenburgoko politikari sozialistak bosgarren presidenteorde kargua beteko du Europako Parlamentuko Mahaian. Organigramak 14 presidenteorde ditu, erantzukizun desberdinekin.
