Mundua -
aeb-ko hauteskundeak
Bidenek ofizial egin du 2024ko hauteskundeetarako hautagaitza
Hainbat astez espekulatzen egon ostean, AEBtako egungo presidenteak bere bigarren agintaldirako asmoa berretsi du. Hala izatekotan, 82 urterekin ekingo lioke legegintzaldiari.
agentziak | eitb media
Joe Biden Estatu Batuetako presidenteak 2024ko hauteskundeetara aurkeztuko dela iragarri du gaur, apirilak 25, 80 urterekin, duela aste batzuk bigarren agintaldi batera aurkezteko asmoa zuela aurreratu ostean. "Lana amaitzera goaz", aldarrikatu du.
Bidenek apirilaren 25a aukeratu du bere asmoak ofizial egiteko; izan ere, gaurko egunez, duela lau urte Etxe Zurira eraman zuen hauteskunde-kanpaina abiatu zuen, 2020ko hauteskundeetan Donald Trump (2017-2020) garaitu ostean.
Bidenen hautagaitza iragartzen duen kartelean egungo presidenteordea ageri da, Kamala Harris, Alderdi Demokrataren barruan bere postuari eutsiko baitio. Azkenik, bigarren legegintzaldirako hautatuko balute, 82 urterekin ekingo lioke hurrengo agintaldiari.