Mundua -
Frantzia
Gutxienez bost zauritu, tartean kritiko bat, Parisko egoitza-eraikin batean izandako leherketa baten ondorioz
Eztanda 14:30ak aldera gertatu da, eta ondorioz, hiru solairuko eraikinaren fatxadaren zati bat guztiz lehertu egin da.
Agentziak | EITB MEDIA
Gutxienez bost pertsona zauritu dira, horietako bat egoera kritikoan, Parisko Montmartre auzoko eraikin batean izandako leherketa baten ondorioz. Ikerketa oraindik abian da, eta ez dago argi zergatik gertatu den eztanda.
Ezbeharra 14:30ak aldera gertatu da, eta Rue du Nordeko hiru solairuko eraikinaren fatxadaren zati bat guztiz lehertu da, polizia-iturriek 'Le Figaro' hedabideari azaldu diotenez.
Zaurituetako bat "erabateko larrialdian" dago, eta beste lau pertsonek zauri arinagoak dituzte, baina pronostiko erreserbatuarekin jarraitzen dute.
Ehun bat suhiltzaile bertaratu dira balizko sute bati aurre egiteko, baina egoera kontrolpean dago, Frantziako hedabidearen arabera.