Rebekah Brooks eta Cameronen komunikazio arduraduna inputatu dituzte

Londreseko Fiskaltzak zortzi lagun inputatu ditu legez kanpoko entzuketen kasuan, tartean Rebekah Brooks ‘News of the World’ astekariko zuzendari ohia eta Andy Coulson David Cameron lehen ministroaren prentsa arduradun ohia.

Fiskaltzak azaldu duenez, zortzi atxilotuei karguak egotziko dizkiete eta epailearen aurrean deklaratu beharko dute. Horren ondorioz, espetxe zigorra jaso dezaketela gaineratu du fiskalak.

Zortzi atxilotuak News Internationaleko langile ohiak dira, Rupert Murdoch News Corporation enpresako Erresuma Batuko adar nagusia.