Mundua -
Bere planak jakinaraziz
Denverreko hiltzaileak koaderno bat bidali zion psikiatrari
Paketea ez zen garaiz iritsi eta ireki gabe postetxean egon zen, astelehenean, sarraskia izan eta hiru egunera, aurkitu zuten arte.
Erredakzioa
James Holmes Denverreko sarraskiaren ustezko egileak posta bidez psikiatra bati koaderno bat bidali zion gauzatzeko asmoa zuen sarraskiaren "xehetasun guztiak" emanez. Sarraski horretan hamabi pertsona hil ziren ostiralean Aurorako zinema batean, Estatu Batuetako segurtasun zerbitzutik jakitera eman dutenez.
Paketea ez zen jasotzailearengana iritsi, eta ireki gabe postetxean eman zuen astelehenean, sarraskia gertatu eta bi egunera, aurkitu zuten artea. Coloradoko Anschutz Univertsitateko psikiatrari zuzenduta zegoen, eta hark Polizia jakinaren gainean jarri zuen.
Astelehenean bertan Poliziako eta FBIko agenteek paketea ez zuela Denverreko sarraskiaren egileak bidali ikusi zuten; ez zuen eduki arriskutsurik. Geroago, Holmesek bidalitako pakete bat aurkitu zuten, eta psikiatrari zuzenduta zegoen.
Baimen judiziala jaso ostean, agenteek ireki egin zuten, bertan sarraski bat egiteko planekin Holmesek bidalitako koadernoa aurkitu zuten. "Paketearen barruan jendea nola hilko zuen azaltzen zuten xehetasunez beteriko koaderno bat zegoen", azaldu du agenteetako batek. "Egingo zuenaren marrazkiak zeuden, sarraskiaren irudiak", gaineratu du.
Iturri batek paketeak uztailaren 12tik postetxean izan zela esan du, bestek batek aldiz, ezin izan du zehaztu sarraskia baino lehen bidali zuten. Oraingoz, ez dute jakin zergatik ez zen iritsi psikiatrarengana sarraskia baino lehen. Koadernoa FBIren eskuetan da orain.
