Ikerketak ireki dituzte Madrileko tren istripua argitzeko

Poliziak eta Madrileko Metroak ikerketa sendoak ireki dituzte bi pertsona hil eta beste bi zauritu ziren tren istripuaren arrazoiak argitzeko. Metroak trenbidearen mugarekin jo zuen Lorancako kotxe-tokian, Fuenlabrada eta Mostoles artean.

Jose Manuel Perez (35 urte zituen) mantentze zerbitzuko arduraduna eta 17 urteko neska suitzar bat izan ziren biktimak .

Zauritutako beste bi pertsonak Jose Manuel Perezen emaztea, Rosa Maria S. (37 urte ditu), eta lau urteko bien semea dira. Emakumeari dagoeneko alta eman diote, baina haurrak ospitalean jarraitzen du. Laurak konboiko kabinan zihoazen, trenak trenbidearen mugarekin jo zuenean.

Percival Manglano Madrileko Ekonomia eta Ogasun zinegotziak azaldu duenez, istripua izan zen lekura joan zen, baina ez du horren inguruko xehetasunik eman nahi izan. Halaber, "Polizia Judiziala eta Metro enpresa" lanean ari direla arrazoiak argitzeko nabarmendu du.