Mundua -
AEB-ak
Demokratek eta errepublikanoek akordioa lortu dute AEBko Administrazioaren "itxiera" saihesteko
Akordioak ez du erabat baztertzen Administrazioa hilabete honetan bertan "ixteko" arriskua, baina funtsezko urratsa da urtarrilaren 19a eta otsailaren 2a baino lehen hori gertatzea saihesteko.
AGENTZIAK | EITB MEDIA
Alderdi Errepublikanoko eta Alderdi Demokratako senatariek 2024rako gastu-mugari buruzko akordioa lortu dute, eta, horri esker, Administrazioa "ixteko" arriskua saihestu dute, Mike Johnson Senatuko presidenteak igande honetan jakitera eman duenez.
Johnsonek bere alderdiko kideei azaldu dienez, 2024rako gastu-muga 1,59 bilioi dolarrekoa izango da, eta horietatik 886.000 milioi Defentsako Gastu Legearen barruan abenduan onartutako proiektuetan aipatzen ziren jada. Beraz, Defentsatik kanpoko gastua 704.000 milioikoa izatea onartu da.
Johnsonek eta Chuck Schumer Alderdi Demokratak Senatuan duten bozeramaileak igande honetan bertan egingo dute iragarpen ofiziala.
Akordioak ez du erabat baztertzen Administrazioa hilabete honetan bertan "ixteko" arriskua, baina funtsezko urratsa da urtarrilaren 19a eta otsailaren 2a baino lehen horrelakorik gertatzea saihesteko.
Kontserbadoreek gastu-legearen onarpena aprobetxatu nahi dute AEBen hegoaldeko mugan immigarazioari muga zorrotzagoak jartzeko eta funtsezkoa izango da demokraten jarrera horren inguruan, behin betiko akordio bat lortzeko.