Errepublikanoen Bilerak aurrera egingo du, 'Isaac' bistatik galdu gabe

Isaac ekaitz tropikalaren mehatxuak alderdi errepublikanoaren agenda aldarazi du Mitt Romney ofizialki AEBetako presidentetzarako hautagai ofizial izendatu behar duten astean. Tampako (Florida) Biltzarra erabakigarria izango da, izan ere 2.286 delegatuk behin-betiko bozkatu beharko dute Romney eta Paul Ryan Etxe Zurirako borrokan lehiatuko diren ala ez.

Asteartean Chris Christie New Jerseyko gobernadoreak eta Ann Romney hautagaiaren emazteak hitz egingo dute biltzarreko hitzaldi nagusian.

Asteazkenan, Condoleezza Rice Estatu idazkari ohiaren eta Paul Ryan presidenteorde izateko hautagaiaren txanda izango da. Ostegunean, berriz, Marco Rubio senatariak Mitt Romney ofizialki izendatuko du presidentetzarako hautagai gisa eta azken honek izendapena onartu beharko du.