Frantziako Konstituzionalak zezenketen legezkotasuna berretsi du

Frantziako Konstituzio Kontseiluak legezkotzat jo ditu Frantzia hegoaldeko eskualdeetako zezenketak, Konstituzioarekin bat datozela iritzita.

Zezenketen ikuskizuna debekatzeko eskakizuna egin zuten animalien aldeko bi elkartek, eta, gaurkoan, Frantziako Konstituzio Kontseiluaren erabakia ezagutu da.

Frantziarren % 48, zezenketak debekatzearen alde

"Midi Libre" egunkariak kaleratutako inkesta baten arabera, Frantziako herritarren % 48 zezenketak estatu osoan debekatzearen alde daude. Bestalde, % 42 zezenketen ohitura gordetzen duten eskualdeetan ikuskizunari eustearen alde daude.

Frantzian, zezenketak debekatuta daude, baina hegoaldeko zenbait herritan onartuta daude. Izan ere, legearen salbuespen bat dago hegoalde partean, zezenketen ohiturari era iraunkorrean eutsi diotelako.