Mundua -
Indarkeria Sirian
Gutxienez 34 lagun hil dira Damaskoko auzo bateko leherketetan
Bi bonba-autok izua eragin dute, eta, pertsona ugari hiltzeaz gainera, ehun lagun inguru zauritu dira.
Erredakzioa
Gutxienez 34 lagun hil eta 83 zauritu dira Damaskon, leherketa batzuen ondorioz, Siriako Barne Ministerioaren arabera.
Hala ere, ez dute baztertzen hildakoen kopurua handitzea identifikatu gabeko gorpuzkiak baitaude.
06:40an, bi bonba-autok egin dute eztanda Yarmana auzoan. Batik bat, drusoak eta ihesi joan diren kristauak bizi dira bertan.
SANA estatuko albiste agentziak esan duenez, bi "atentatu terroristek" kalte material ugari eta hainbat hildako eta zauritu eragin dituzte. Ia ordu berean, beste leherketa txiki batzuk ere egon dira.
