Osasuna eta ongizatea -
Kargu uztea
Osakidetzak Itziar Perez Donostialdeko ESIko kudeatzailea kargutik kendu du
Osasun Sailak uko egin dio Donostialdeko ESIan ordezkapena egiteko arrazoiei buruzko informaziorik emateari.
AGENTZIAK | EITB Media
Osakidetzak kargutik kendu du Itziar Perez Donostialdeko ESIko kudeatzailea, eta langile guztiei iragarri die kargua utziko duela. Barne-mezu batean azaldu du ez dagoela "lerrokatuta Osakidetzako Zuzendaritza Nagusiarekin eta Osasun Sailarekin".
"Jakinarazi nahi dizuet atzo Rosa Perezek, zuzendari nagusiak, Donostialdeko ESIko zuzendari kudeatzaile izateari uzteko agindua jakinarazi zidala, uste duelako ez nagoela lerrokatuta Osakidetzako Zuzendaritza Nagusiarekin eta Sailarekin", azaldu du gaur goizean langile guztiei bidalitako mezu batean.
Itziar Perezek eskerrak eman dizkie langileei pazienteen "arreta hobetzeko" egunero egiten duten "ahaleginagatik eta konpromisoagatik".
Osasun Sailak berretsi egin du Perez kargutik kendu dutela, baina uko egin dio Donostialdeko ESIaren ordezkapenaren arrazoiei buruzko informaziorik emateari.
Itziar Perezek Donostialdea ESIko (Gipuzkoako garrantzitsuena) kudeatzaile kargua hartu zuen 2019ko urtarrilean, Jose Manuel Ladron de Guevara ordezkatu zuenean.