Itxi

2016/03/07

14:50

Politika

Jaurlaritza eta Euskal Etxea

Nazioarteko omenaldia Agirre lehendakariari

agentziak | erredakzioa

Egitarau kulturala eta instituzionala egingo dute, Renon, Berlinen eta New Yorken, lehenengo lehendakariaren ondarea aztertzeko.

  • Jose Antonio Agirre lehendakaria.

    Jose Antonio Agirre lehendakaria. Argazkia: EiTB

  • Whatsapp
  • Whatsapp
  • Telegram
  • Bidali

Jose Antonio Agirre lehenengo lehendakariaren ondarea aztertzeko egitarau kulturala eta instituzionala egingo dute, nazioarteko kongresu batekin batera, Renon, Berlinen eta New Yorken, lehendakaria Alemaniako hiriburuan izan zela 75 urte eta lehendakari izendatu zutela 80 urte beteko direnean.

Berlingo Euskal Etxeak egindako proiektu batetik abiatutako ekimena aurkeztu dute gaur Bilbon Asier Vallejo Jaurlaritzaren kanpo harremanetarako arduradunak, Ainhoa Añorga Berlingo Euskal Etxeko presidenteak, eta Agirre Lehendakari Centerren eta Etxepare Institutuaren ordezkariek.

Asier Vallejok azaldu duenez, Agirre lehendakaria 1941ean Berlinen izan zela gogoratzea da helburuetako bat, bertan izan baitzen New Yorkera eraman zuen erbestean, eta "euskal herritarren belaunaldi batek" Europar Batasunari egin zioten ekarpena ere goraipatu nahi dute.

Eusko Jaurlaritzaren arduradunak azpimarratu du Gerra Zibilaren ostean Agirre lehendakaria "errefuxiatua" izan zela hainbat herrialdetan, eta orain EBk errefuxiatuen arazoari aurre egiteko nahikoa ez duela egiten kritikatu du.

Kongresua

Lehenengo jarduera martxoan izango da, Nazioarteko Kongresuaren lehenengo zatiarekin. Renon izango da, Nevadako Unibertsitatean, 26an eta 29an, eta Agirre lehendakariaren Jaurlaritzak utzitako nazioarteko ondarea aztertuko dute. Besteak beste, Gernikako bonbardaketa eta Ipar Euskal Herriaren 1940 eta 1944 arteko okupazioa izango dituzte hizpide.

Kongresuak ekainaren 1ean jarraituko du, Berlingo Humboldt Unibertsitatean, eta frankismoaren errepresioaz eta Jaurlaritzaren eta Vatikanoaren arteko harremanaz hitz egingo dute, besteren artean.

Kongresuaren hirugarren zatia ekainaren 9an egingo dute, New Yorkeko Columbia Unibertsitatean, eta Juan Jose Ibarretxe lehendakaria izango da hizlarietako bat.

Gainera, maiatzean eta ekainean, Berlingo Euskal Etxeak hainbat egitasmo egingo ditu gaiarekin lotuta, Jaurlaritzaren laguntzarekin: hitzaldiak, kontzertuak, etab.

tzertuak, etab.

  • Bisitatuena

      Kargatzen ikusiena
      Kargatzen ikusiena
    ;