Politika -
Trantsizioari buruzko aitortza
Adolfo Suarezek ez zuen Monarkiari buruzko kontsulta egin, ez galtzeko
Trantsizioan erreferenduma egin izan balitz, Errepublikaren aldekoek irabaziko zutela baziketela dio Adolfo Suarezek gaur arte inoiz emitutu ez den elkarrizketa batean.
Erredakzioa
Adolfo Suarez Espainiako Gobernuko presidente ohiak ez zuen Monarkia edo Errepublika aukeratzeko erreferenduma deitu Trantsizio garaian, "bagenekielako galdu egingo genuela".
Aitorpena duela 20 urte baino gehiago egin zuen, 1995ean, Antena 3 telebista kateari eskainitako elkarrizketa batean. Baina bideo hori ez zen inoiz emititu.
La Sexta telebista-kateak gaur gauean emango du Suarezi egindako elkarrizketaren zati bat. Solasaldi horretan Suarezek kontatzen du gai horri buruzko inkestak egin zituztela, herritarrak Monarkiaren aldekoak eta Errepublikazaleak ziren jakiteko, "eta galdu egiten genuen".
Era berean, Espainiako Gobernuko presidente ohiak onartzen du nazioarteko estatuburu gehienek erreferenduma deitzeko eskatzen ziotela.
Alabaina, eta Errepublikaren aldekoak gailenduko zirenaren beldur, Suarezek ondoko "irtenbidea" bilatu zuen erreferenduma saihesteko: Erregearen papera indartu eta Erreforma Politikorako Legean sartzea.
"Errege eta Monarkia hitzak sartu nituen Legean eta erreferenduma egin zegoela esan nuen", aitortzen du Suarezek elkarrizketan.
