Politika -
Hauteskundeak
Macronek irabaziko luke, Europako hainbat hedabideren arabera
Hautagai sozioliberalak irabaziko luke bigarren itzulian, botoen % 60 lortuta, Belgika eta Suitzako hainbat komunikabidek aditzera eman dutenez.
Agentziak | Erredakzioa
Emmanuel Macron hautagai sozioliberalak irabaziko luke Frantziako presidentea aukeratzeko hauteskundeetako bigarren itzulia, botoen % 60 lortuta, Belgikako eta Suitzako hainbat hedabidek argitaratutako datuen arabera.
"Le soir" egunkariaren edizio digitalak eta RTBF telebista kateak jakinarazi dutenez, Macron zentristak aise garaituko luke Marine Le Pen hautagai ultraeskuindarra gaurko bozketan.
"Le Soir" egunkariak lau estatista erakundek hauteslekuetan egindako inkestak aipatu ditu iturri gisa. Halaber, boto zuri eta baliogabeko asko egongo liratekeela jakinarazi dute.
Suitzan ere "La Tribune de Génève" eta "24 Heures" egunkariek Macron jotzen dute bigarren itzuliko irabazle, botoen % 62 edo % 64 lortuko bailituzke.
