Politika -

Kataluniako erreferenduma

Kataluniako Auzitegiak zuzenduko du erreferenduma galarazteko auzia

Fiskaltzari alboratzeko eskatu dio, baina hark egin bezala, hauteslekuak ixteko eta erreferendumari lotutako materiala konfiskatzeko agindua eman du.

Guardia zibilak, Kataluniako Fiskaltzaren egoitzaren atarian. Artxiboko argazkia: EFE
Guardia zibilak, Kataluniako Fiskaltzaren egoitzaren atarian. Artxiboko argazkia: EFE
Guardia zibilak, Kataluniako Fiskaltzaren egoitzaren atarian. Artxiboko argazkia: EFE

Agentziak | Erredakzioa

Whatsapp Facebook Twitter Telegram Email

Erreferenduma galarazteko neurriak hartzeari utz diezaiola agindu dio gaur Kataluniako Justizia Auzitegiak Fiskaltzari, auzitegi horretako epaile batek hartu zuelako bere gain ikerketaren ardura.

Mercedes Armas da epaile hori, eta Fiskaltzari igorritako jakinarazpenean gogorarazi du prozedura judizial bat irekita dagoenean, magistratuari dagokiola aginduak ematea, eta ez fiskalari.

Fiskaltza alboratu eta ikerketa zuzentzea bere ardura dela argitu arren, Mercedes Armasek bere egin ditu urriaren 1eko erreferenduma galarazteko asmoz Kataluniako Fiskaltzak orain arte hartu dituen neurriak.

Horrenbestez, Esquadra Mossoei, Espainiako Poliziari eta Guardia Zibilari hauteslekuak ixteko eta erreferendumarekin lotutako material oro konfiskatzeko agindua eman die.

Era berean, berretsi egin du Espainiako Barne Ministerioko kargu batek zuzenduko duela erreferendumaren aurkako polizia-operazioa.

Carles Puigdemont Generalitateko presidenteak salatu zuen atzo "zilegitasunik gabe" ari zela Fiskaltza erreferendumaren kontrako neurriak hartzen, dagoeneko Auzitegi Nagusiak ikerketa bat abiarazita zuelako.

Hori dela eta, Fiskaltza "ikerketatik berehala alboratu" zezala eskatu zion Puigdemontek Kataluniako Auzitegi Nagusiari.

Hau zure interesekoa bada, baliteke beste gai hauek ere izatea
Katalunia Politika albisteak Kataluniako erreferenduma Gaurko azken orduko albistea Kataluniako prozesua zuzenean