Publizitatea
X

Irratia zuzenean

Eskuin muturreko taldeen erasoak Valentzian, 2017ko urriak 9: Atxilotu bat

Politika

ESKUIN MUTURREKOEN ERASOA

Atxilotu bat, eskuin muturrekoek U-9an Valentzian egindako erasoengatik

AGENTZIAK | ERREDAKZIOA

2017/10/11

Ehunka lagunek elkarretaratzea egin dute Valentzian, Espainiako Gobernuak Valentziako Erkidegoan duen ordezkariaren dimisioa eskatzeko.

  • Eskuin muturreko taldeek manifestazio bati eraso zioten urriaren 9an Valentzian. Argazkia: EFE

    Eskuin muturreko taldeek manifestazio bati eraso zioten urriaren 9an Valentzian. Argazkia: EFE

    Eskuin muturreko taldeek manifestazio bati eraso zioten urriaren 9an Valentzian. Argazkia: EFE
  • Whatsapp
  • Bidali

Espainiako Poliziak pertsona bat atxilotu du gaur, urriaren 9ko manifestazioan Valentzian, Diada egunez, parte hartzen ari ziren manifestariei eskuin muturreko taldeek egindako erasoekin lotura duelakoan.

Espainiako Gobernuak Valentziako Erkidegoan duen ordezkaritzak EFE albiste agentziari baieztatu dionez, urriaren 9ko manifestazioari egindako erasoa ikertzeko abiatutako polizia operazioaren baitan egin dute atxiloketa. Halaber, erasoen hainbat irudi ikuskatu ostean, Poliziak ez du baztertzen atxiloketa gehiago burutzea.

Bestalde, Valentziako Fiskaltzak izapideak ireki ditu talde neonaziek Diada eguneko manifestazioan parte hartzen ari zirenei egindako erasoak ikertzeko. Halaber, Poliziaren ikerketari buruzko "txosten xehatua" bidali dio Espainiako Gobernuak Valentziako Erkidegoan duen ordezkaritzak Fiskaltzari.

Espainiako Gobernuak Valentziako Erkidegoan duen ordezkariaren dimisioa eskatu dute

Ehunka lagunek elkarretaratzea egin dute gaur Espainiako Gobernuak Valentziako Erkidegoan duen ordezkaritzaren aurrean, Juan Carlos Moragues Espainiako Gobernuaren ordezkariaren dimisioa eskatzeko, eta "Erasorik ez, erantzunik gabe" aldarrikatzeko. Arran, Endavant eta Gatzara taldeek egin dute gaurko deialdia.

Manifestariak 19:00etan elkartu dira Colon kalean, eskuin muturreko taldeek astelehenean egindako erasoak salatzeko.

 

tzeko.

 

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena