Euroganberak sakelako telefonoentzako kargadore bakarra eskatu du

Euroganberako osoko bilkurak Europar Batasuneko sakelako telefonoentzako kargadore bakarra eskatu du. Eskaeraren helburua hondakin gutxiago sortzea eta kontsumitzaileen gastuak murriztea da.

Sakelako telefonoen, autoen urrutiko aginteen eta modemen salmentarako baldintzak batzen dituen arau batean (550 baiezko, 12 ezezko eta 8 abstentzio) agertzen da eskakizuna.

Fabrikatzaileek hiru urteko epea izango dute araudi berrira egokitzeko.

Arauen xedea gailu radioelektriko kopuruaren gorakadari erantzutea eta oinarrizko osasun eta segurtasun baldintzak betetzea da.

Gainera, agintariei merkatuak jagoteko eta baldintzak betetzen ez dituzten gailuak antzemateko erremintak emango dizkiete.