Teknologia -
"Streaming" bidez
20 orduz musika doan entzuteko bertsioa eskainiko du Spotifyk
Orain arte, gonbidapenarekin edo ordainduz erabili zitekeen Spotify. Doako bertsio horrek ez ditu abestiak deskargatzen uzten eta publizitatea du.
Erredakzioa
Spotify, streaming ala Internet bidez musika entzuteko aplikazioak 20 orduz musika entzuteko doako bertsio bat eskainiko du, konpainia suediarrak bere webgunean iragarri duenez.
Orain arte, gonbidapenarekin edo ordainduz erabil zitekeen Spotify eta zazpi milioi erabiltzailetik gora ditu Europan.&' || 'nbsp;
''Spotify Open'' doako bertsio horrek ez ditu abestiak deskargatzen uzten eta publizitatea du.
Bestalde, ''Spotify Unlimited'' ordainketa zerbitzu merkeagoa estreinatu du Spotifyk. Horri esker, katalogoko edozein abesti entzun daiteke, denbora mugarik eta iragarkirik gabe.
Hirugarren aukera, ''Spotify Premium'' zerbitzua da. Sakelakoan entzun daiteke musika edo deskargatu daitekeenez, ez da Interneterako sarbiderik behar.
Gaurtik aurrera, Holandan euren zerbitzuak eskainiko dituzten berri eman du konpainia suediarrak. Egun Espainian, Erresuma Batuan, Finlandian, Frantzian, Suedian eta Norvegian entzungai dago bere katalogoa.
