Teknologia -
Unibertsoaren mapa osoa
Telescopio batek Unibertso ezagunaren lehen irudi osoa atera du
Izarren eta galaxien sorkuntzari buruzko datu gehiago ematen ditu zeru-sabaiaren irudi honek, eta batez ere, kosmosaren sorkuntzaren lehen faseak ikertzen laguntzen du.
Erredakzioa
Orain dela urtebete espaziorantz bota zuten Planck teleskopio europarrak Unibertso ezagunaren lehen irudi osoa atera du gaur; behintzat unera arteko osoena. Izarren eta galaxien sorkuntzari buruzko datu gehiago ematen ditu zeru-sabaiaren irudi honek, eta batez ere, kosmosaren sorkuntzaren lehen faseak ikertzen laguntzen du.
"Datu horiek ez omen dute erantzun berririk ematen; ez oraindik, baina leihoa zabaldu omen dute, Unibertsoaren sorrera ulertzen lagunduko duen leihoa", esan du David Southwood Europako Espazio Agentziako (ESA) Zientzia eta Robotika zuzendariaren hitzetan.
Espazio Agentziaren ustez, lehen irudi hori "altxor apartekoa" da astronomoentzat, izan ere, datu berri ugari ekartzen ditu: Esne-bideko erregio gertukoenetik, urruneraino.
Esne-bidearen diskoa irudiaren erditik zehar hedatzen da. Galaxiaren azpitik eta goitik hedatzen den hauts eta gas harizpiak dira arreta bereganatzen duten lehen gauzak, izar berriak sortzen diren tokian, hain zuzen.