Teknologia -
Asmakizun berria
'Deep Sleep', zurrunka egiteari uzteko robota
Panpinezko hartz zuriak oxigeno gutxi dugula somatzen duenean, aurpegia laztandu edo kilimak egiten dizkigu, buelta eman eta zurrunga egiteari uzteko.
Erredakzioa
Zurrunga egiteari uzteko asmakizun berria sortu dute. Orain, sudurrerako tiritek edo etxeko irtenbideek ez dute balioko. "Deep Sleep" panpinezko hartz baten tankera duen robot bat da eta bati baino gehiagori hobeto lo egiteko balioko dio.
"Zurrunga egiteari uzteko, eskuan oxigenoa neurtzeko gailu bat jarri behar dugu. Odolean oxigeno gutxi duzula somatzen duenean eta zurrungak entzuten hasten direnean, hartzak aurpegian laztandu eta kilimak egiten dizkizu eta, horrela, lo egiteko jarrera aldatu egiten duzu", azaldu dute Newlaunches.com webgunean.
