Appleren iPad berria dagoeneko salgai Espainian

Appleren iPad berria gaur iritsi da Espainiako saltokietara. Appleren azken tableta AEBetara, Frantziara eta Alemaniara baino astebete geroago iritsi da Estatura. Retina Display pantaila, prozesadore berria eta 4G konexioa dira iPad berriaren ezaugarri nagusiak, eta Vodafone eta Orange konpainiekin eskuratu daiteke.

iPad berria kaleratu zutenetik, asko idatzi dute gailu berriari buruz, kritika ugari tartean, eta ikusmira handia izan da. Erabiltzaile gehienek pantailaren kalitate bikaina nabarmendu dute, baina Appleren aurreko tableta baino gehiago berotzen dela kritikatu dute askok. Hori dela eta, oraindik eskuragarri ez zuten herrialdeetan eskuratzeko irrikan zeuden.

Appleren iPad berria herrialde hauetara ere iritsiko da gaur: Austria, Belgika, Bulgaria, Txekiar Errepublika, Danimarka, Eslovakia, Eslovenia, Finlandia, Grezia, Hungaria, Irlanda, Islandia, Italia Liechtenstein, Luxenburgo, Macau (Txina), Mexiko, Zeelanda Berria, Norvegia, Herbehereak, Polonia, Portugal, Errumania eta Suedia.