Teknologia -
Sare Sozialak
WhatsAppek ezegonkor jarraitzen du bart izandako etenaldiaren ostean
Osteguneko 22:30 eta 23:30 bitartean, mezularitza zerbitzuak konexio arazoak izan zituen zerbitzariarekin eta, hortaz, mezuak bidali eta jasotzeko.
I.G. | eitb media
WhatsApp munduan gehien erabiltzen den mezularitza zerbitzuak egonkortasun arazoak izaten jarraitzen du gaur goizean, tarteka, bart mundu osoan izandako etenaldiaren ondotik.
Osteguneko 22:30 eta 23:30 bitartean, mezularitza zerbitzuak konexio arazoak izan zituen zerbitzariarekin eta, hortaz, mezuak bidali eta jasotzeko. Halere, arazoak ez zituzten erabiltzaile guztiek somatu.
DownDetector plataforma eta euskarri digitalen arazoak jasotzen dituen webgunearen arabera, WhatsAppeko arazoak mundu osoan zehar izan ziren atzo.