EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

17:33

EAE-ko Hauteskundeak 2020

Elkarrekin Podemos-EB

Miren Gorrotxategik ezkerreko aliantza bat eskatu du

Agentziak | Erredakzioa

Elkarrekin Podemos-EBk BPGaren % 7 osasunean inbertitzea, zerga erreforma handia eta industria iraunkorraren aldeko hitzarmen bat proposatu ditu uztailaren 12ko boetarako programan.  

  • Elkarrekin Podemos-EB

    "Gobernatzeko prest" izango da koalizioaren leloa. Argazkia: Efe.

  • Whatsapp
  • Whatsapp
  • telegram
  • Bidali

Miren Gorrotxategi Elkarrekin Podemos-EBren lehendakarigaiaren ustez, “ez dago denbora galtzerik” eta ezkerreko indarrak deitu ditu “berehala itun bat adostera, krisi honetatik 2008ko akatsak errepikatuta aterako ez garela segurtatze aldera”. Halaber, koalizioa “gobernatzeko prest” dagoela adierazi du eta une egokia dela “’ahal dugu’ leloa Euskadira ekartzeko”.  

Koalizioak uztailaren 12an Araba, Bizkai eta Gipuzkoan egingo diren hauteskundeetarako programa, kartela eta leloa aurkeztu ditu prentsaurreko telematiko batean, Miren Gorrotxategi lehendakarigaiak alboan Isabel Salud Ezker Anitza-EBko koordinatzaile nagusia eta Jon Hernandez eta David Soto legebiltzarkidegaiak zituela.

Elkarrekin Podemos-EBk “Podemos gobernar. Gobernatzeko prest” leloa aurkeztuko du hauteskunde autonomikoetan.

Horren aldetik, Gorrotxategik kritikatu du azken urteetan “agerian” gelditu direla “Urkulluren Jaurlaritzak egiteko dituen lanak eta argitara atera dira kudeaketa arazoak”, tartean Zaldibarko zabortegia behera etorri izana edo eskoletako jantokien “eskandalua”, eta “argi eta garbi ikusi da EAJren inguruko pertsonei laguntzen dieten sareak daudela, hala nola De Miguel auzia, Osakidetzaren lan eskaintza publiko dopatuak eta ustez Montai auzi berrian ere”.

Programa

Koalizioaren programaren ikurra “hari berdea” da, eta “gaur bertan” abian jar daitezkeen neurri zehatzak biltzen ditu, Isabel Saludek aletu dituenak: “Industria iraunkorrerako, trantsizio energetikorako eta ekonomia zirkularrerako hitzarmen zabala”, garraio publiko “eraginkor eta kalitatezkoa” eta energia enpresa publiko bat. Gainera, zientzia arloko inbertsioa EAEko BPGaren % 3ra handitzeko asmoa du.  

Zerga arloan, Elkarrekin Podemos-EBk “erreforma handia” proposatzen du, kapitalaren errentek ordaintzen dutena laneko errentek ordaintzen dutenarekin parekatuko duena, Jon Hernandezek azaldu duenez, gaur egun “kapitalaren irabaziek eta enpresak zinez gutxi” ordaintzen baitute, langileek “nominetan ordaintzen dute piloarekin” alderatuta.

Koalizioak banku publiko bat sortzea ere proposatzen du, sektore estrategikoetan inbertitzeko, baita enplegu publikorako plan bat eta, David Sotoren hitzetan, zaintza “Legebiltzarreko egunerokoaren erdigunean” jarriko duten neurriak.

Testuinguru horretan, osasun publikoaren aurrekontua “blindatu” nahi dute, BGParen % 7 ere inbertituta, baita egoitzak EAEko sistema soziosanitarioan barneratu ere.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena