EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

20:28

EAE-ko Hauteskundeak 2020

Emaitzak

EAJk irabazi ditu hauteskundeak Bizkaian, 12 aulki lortuta

EiTB.EUS

2016an baino bat aulki bat gehiago izan du. EH Bilduk zazpi ditu, bi gehiago. PSE-EEk 2016ko hirurak ditu, Elkarrekin Podemos-IU lautik bira pasatu da, eta PP+Cs koalizioa bitik batera jaitsi da.

  • Honela banatu dira aulkiak Bizkaian

    Honela banatu dira aulkiak Bizkaian. Irudia: EiTB.

  • Whatsapp
  • Whatsapp
  • telegram
  • Bidali

EAJk irabazi ditu hauteskunde autonomikoak Bizkaian, eta 12 aulki lortu ditu lurralde historiko horretan. EH Bildu da bigarren indar politikoa, zazpi aulkirekin, eta PSE-EE eta Elkarrekin Podemos-IU hirugarren eta laugarren postuetan kokatu dira, hurrenez hurren, hiru eta bi aulkirekin. PP+Cs da Eusko Legebiltzarrean ordezkaritza lortu duen azken alderdia, legebiltzarkide bat eskuratuta.

Abstentzioa % 47koa izan da Bizkaian.

2016ko hauteskunde autonomikoetako datuekin alderatuta, EAJk aulki bat gehiago eskuratu du, eta EH Bilduk bi gehiago; PSE-EEk duela lau urte izandako ordezkaritza errepikatu du (hiru aulki), Elkarrekin Podemos-IUk bi galdu ditu (lau zituen), eta PP+Cs koalizioa bitik batera jaitsi da.

PP+Cs koalizioak oso gutxigatik galdu du bigarren aulkia; EH Bilduk lortu du azken legebiltzarkidea, baina 108 botoko aldearekin, atzerrian bizi direnek posta bidez emandako botoak oraindik zenbatu gabe badaude ere.

 

Bilbon, EAJk garaipen argia lortu du, botoen % 42 eskuratuta. EH Bilduk eta PSE-EEk hautesleen % 18ren eta 14ren babesa erdietsi dute, hurrenez hurren.

Barakaldon, jeltzaleek botoen % 36 lortu dituzte. PSE-EE izan da bigarren indarra, botoen % 22rekin, eta EH Bilduk botoen % 17 eskuratu ditu.

Getxon, EAJk eskuratu du garaipena, botoen % 43rekin, eta EH Bilduk eta PP+Cs koalizioak bigarren eta hirugarren postuetan kokatu dira, botoen % 17 lortuta biek.

Portugaleten, EAJ, PSE-EE eta EH Bildu kokatu dira lehen hiru tokietan, botoen % 35, % 24 eta % 17rekin, hurrenez hurren.

Basaurin, EAJ izan da alderdirik bozkatuena, botoen % 41 lortu baititu; PSE-EEk eta EH Bilduk, berriz, hautesleen % 19ren babesa eskuratu dute, biek.

Bizkaian, EAJk edo EH Bilduk irabazi dute udalerri guztietan, batean izan ezik: Ermuan. Bertan, PSE-EEk, garaileak, botoen % 26 lortu ditu, eta EH Bildu izan da bigarren, botoen % 24rekin. Zaldibarren, EH Bildu EAJri gailendu zaio (465-436), 2016ko datua iraulita; emaitza oso antzekoa izan zen orduan, baina EAJren alde.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena