Hauteskunde Orokorrak -

A28

EAJk eskua luzatu du Espainiaren 'errealitate plurinazionala' aitortzeko

2004tik aurrenekoz lortu du garaipena hauteskunde orokorretan alderdi jeltzaleak, eta historian lehen aldiz irabazi du Araban.

EAJren agerraldia hauteskundeen ostean. EiTB
EAJren agerraldia hauteskundeen ostean. EiTB
Hauteskunde orokorrak: EAJk lortu du garaipena EAEn

4:59

AGENTZIAK | ERREDAKZIOA

Whatsapp Facebook Twitter Telegram Email

Andoni Ortuzar EAJko presidenteak eskua luzatu du Espainiako Estatuan "elkarrizketa eta konponbide aroa" zabaltzeko, betiere "errealitate plurinazionala" aitortuta.

Buruzagi jeltzaleak nabarmendu du EAJk irabazi dituela hauteskunde orokorrak Euskadin, 6 diputatu eta 9 senatari eskuratuta.

Hain zuzen ere, 2004tik aurrenekoz lortu du garaipena hauteskunde orokorretan alderdi jeltzaleak, eta historian lehen aldiz irabazi du Araban.

Ortuzarren esanetan, ikuspegi "positiboa" eramango du Gorteetara, "eskua luzatuta" Espainiaren "errealitate plurinazionala" aitortzeko.

“Jarraitu egingo dugu, are gehiago, Euskadiren interesak defendatzen Kongresuan eta Senatuan”, azpimarratu du.

Horren ustez, “argi geratu da berriz gehiengo ezberdinak daudela Euskadin eta Estatuan”. “Aniztasun politikoa errealitatea da eta pluritate nazionala ere bada”, esan du.

“Berriz ere, hauteskundeen emaitzak ezberdinak izan dira Euskadin eta Estatuan. Hemen, eskuinaren eta muturreko eskuinaren botoak marjinala izan da”, gaineratu du.

Hau zure interesekoa bada, baliteke beste gai hauek ere izatea
Politika EAJ-PNV Hauteskunde orokorrak Eguneko albisteak Albisteak Hauteskundeak