Hauteskunde Orokorrak -

A28

PPren emaitza 'oso txarra' dela onartu du Casadok

Alderdi Popularrak hauteskunde orokorretan lortutako emaitza txarren ondotik, independentistarik gabeko gobernu bat eskatu dio PSOEri.

Pablo Casado PPren egoitzan. ETBren bideo batetik lortutako irudia.
Pablo Casado PPren egoitzan. ETBren bideo batetik lortutako irudia.
Hauteskunde orokorrak: PPren balorazioa

5:55

Agentziak | Erredakzioa

Whatsapp Facebook Twitter Telegram Email

PPk hauteskunde orokorretan lortutako emaitzak "oso txarrak" direla onartu du PPren buruak, Pablo Casadok. Maiatzean egingo diren hauteskundeei begira, “babesa” berreskuratzeko, “ilusioz eta arduraz” lan egiteko konpromisoa hartu du, eta independentistarik gabeko gobernu bat eskatu dio PSOEri.

“Beti esan dut PSOE alderdi handia dela, oinarrizkoa Espainiaren azken urteetako historian, eta, emaitzak ikusita, independentistarik gabeko akordioak adostea espero dut gobernatu ahal izateko. PPrentzat Espainia da lehena. Herri honek egoerak eskatzen duen maila ematea espero dugu”, esan du.

Udal eta foru hauteskundeetarako eta Europako hauteskundeetarako hilabete falta denean, apirilaren 28ko emaitzek zentro-eskuina bat egin behar duela eta kanpainan estrategia bateratua behar dela erakusteko balio behar dutela esan du. "Hausturak Pedro Sanchezi besterik ez dio egin mesede", gaineratu du.

Gauerdian agertu da Pablo Casado PPren egoitzako prentsa aretoan, zuzendaritza nazionaleko eta Kongresurako hautagaiak alboan zituela.

Euskadiko PPk hauteskunde orokorretan inoiz izandako emaitzarik txarrenak lortu ditu eta Kongresuan eta Senatuan ordezkaritzarik gabe gelditu da. Guztira, 94.518 eskuratu ditu eta 2016ko abenduko hauteskundeetatik 54.035 boto galdu ditu, horietatik ia 30.000 Bizkaian. Alfonso Alonso Euskadiko PPko presidentearen esanetan, alderdiaren emaitzak "txarrak" izan dira bai Euskal Autonomia Erkidegoan (EAE) eta baita estatuan ere. Hori dela eta, hausnarketarako deia egin du "zentroko indar handia" izatera itzultzeko.

Hau zure interesekoa bada, baliteke beste gai hauek ere izatea
Politika Albisteak Alderdi Popularra Hauteskunde orokorrak Euskadiko PP bideoak Alfonso Alonso Hauteskundeak PPko presidente ohia Hauteskunde Orokorrak Emaitzak