Hauteskunde Orokorrak Espainian 2019: A10ari buruzko azken orduko albisteak | EITB Hauteskundeak

hauteskundeak

13:59

Hauteskunde Orokorrak

A28

Katalunian 155a berriro ezartzeko babesa eskaini dio Riverak Sanchezi

AGENTZIAK | ERREDAKZIOA

Ordubetera heldu ez den bilera batean, Sanchezi bere inbestiduraren alde egingo ez duela baieztatu dio Ciudadanoseko buruzagiak, eta 'oposizioko buru' gisa jardungo duela.

0:40
  • Whatsapp
  • Whatsapp
  • telegram
  • Bidali

Halabeharrez jarri beharreko irribarre bakanekin eta bosteko azkar batekin. Horrelaxe abiatu da Pedro Sanchez Espainiako jarduneko presidente eta hautagaiaren eta Albert Rivera Ciudadanoseko buruzagiaren arteko bilera. Batzarrak ez du luze jo, eta 50 minuturen buruan azaldu da Rivera komunikabideen aurrera.

Prentsaurrekoan azaldu duenez, Katalunian Konstituzioaren 155. artikulua berriro ezartzeko Ciudadanosen senatari eta diputatuen babesa eskaini dio Sanchezi.

Horrez gain, Sanchezen inbestiduraren kontra bozkatuko duela ere argitu dio, eta "oposizioko buru" gisa jardungo duela nabarmendu du. "Oposizio sendo bat, PSOEk eta Podemosek osatuko duten gobernua kontrolatuko eta zainduko duena, baina Estatuari leial izango dena", erantsi du.

Riveraren hitzetan, buru duen alderdiak "motxilarik gabe, eta ustelkeriatik urrun, libre" jardungo du, PPri erreferentzia argia eginez.

Halaber, sozialistei lau gai garrantzitsuen inguruan estatu ituna proposatu diela esan du Riverak, "ideologiarik ez" dutela azpimarratuta. Aurrena, Hezkuntzaren aldeko itun bat proposatu du; bigarrenik, despopulazioaren aurka borrokatzeko akordioa egitea eta batzorde parlamentario bat osatzea aipatu du. Hirugarren ituna immigrazioari buruz egin behar dutela uste du Riverak, lan egitera datozenen egoera arautzeko. Segurtasuna eta terrorismoaren kontrako borroka aipatu ditu Riverak laugarren gai gisa.

Espainiako Gobernuak, bestalde, esan du Riverarekin egindako bilerak "hartu-emanak normaltzeko eta elkarrizketa eremua zabaltzeko" balio izan duela. Sanchezek Casadorekin egindako batzarraren antzeko balorazioa egin du, beraz, Moncloak.

Moncloatik gogorarazi dutenez, Riverak eta Sanchezek ez dute hauteskunde ondoko itunez berba egin, baina Ciudadanoseko buruak argi utzi dio hautagai sozialistari ez duela bere inbestidura babestuko.

Rivera, hedabideen aurrean egin duen agerraldian. Argazkia: EFE


Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena