Kataluniako Hauteskundeak 2021 -

Irailak 27

EAJk Convergenciaren arrisku bera dakarrela uste du Quirogak

Euskadiko 'popularren' presidentearen esanetan, Euskadiren eta Kataluniaren identitate-ezaugarriek lekua dute Espainiako Konstituzioan: 'Falta dena leialtasun politiko eta instituzionala da'.

Javier Maroto, Arantza Quiroga eta Nerea Llanos Euskadiko PPren konferentzia politikoan. EFE
Javier Maroto, Arantza Quiroga eta Nerea Llanos Euskadiko PPren konferentzia politikoan. EFE
Javier Maroto, Arantza Quiroga eta Nerea Llanos Euskadiko PPren konferentzia politikoan. EFE

AGENTZIAK | ERREDAKZIOA

Whatsapp Facebook Twitter Telegram Email

Convergencia Democratica de Catalunyak (CDC) Kataluniako askatasunerako eta elkarbizitzarako dakarren arrisku bera dakar EAJk Euskadin, Arantza Quiroga Euskadiko 'popularren' presidentearen esanetan. Halaber, ohartarazi du sentimendu nazionalak goraipatzeak ondorioak izango dituela askatasunean eta gizartean.

Euskadiko Alderdi Popularra konferentzia politikoa egin du gaur Bilbon eta buruzagi 'popularrak' adierazi du Konstituzio berri bat egiteko PSOEk erakutsitako "irrikak" agerian uzten duela bere proiektu politikoa berritzeko duen ezintasuna.

Atzo Kataluniaren egunean Bartzelonako Meridiana bete zuten herritarrei errespetua agertu die Quirogak, baina "mugimendu nazionalen goraipamena" bultzatzen dituztenak kritikatu ditu. "Mugimendu nazionalista baztertzaileak goraipatzeak ondorio garestiak ditu askatasunean eta herritarrengan. Hemen ere ezagutu izan ditugu aberria goraipatu izan duten buruzagiak. Atzo EAJko buruzagiak ikusi genituen Katalunian eta horrek esan nahi du Convergenciak Kataluniarako duen arrisku bera duela EAJk Euskadin, erritmo ezberdinetara eta hitz ezberdinak erabilita, baina nazionalismoa goraipatzeko proiektu berdina dute", adierazi du.

"Euskadiren eta Kataluniaren identitate-ezaugarriek lekua dute Espainiako Konstituzioan. Falta dena leialtasun politiko eta instituzionala da, Konstituzioa ezberdinen arteko elkargune izan zela ulertzea", gaineratu du.

 

 

Hau zure interesekoa bada, baliteke beste gai hauek ere izatea
Katalunia Arantza Quiroga Euskadiko PP Albisteak Kataluniako Hauteskundeak gaur