10:16

Udal eta Foru Hauteskundeak

Elkarrizketa

Egibar: 'Andoaingoa Gasteizko presioak estaltzeko erabili zuen PSEk'

AGENTZIAK | ERREDAKZIOA

EAJko bozeramaileak azaldu duenez, PSE-EEk "bazekien guk arazo bat genuela Andoainen, bitan esan baikenien".

2:19
  • Whatsapp
  • Whatsapp
  • telegram
  • Bidali

Joseba Egibar Gipuzkoako EAJko presidentearen esanetan, PSE-EEk jakin bazekien Andoaingo Udalean gertatuko zena, eta, hala ere, "aitzakia gisa" erabili zuen hori "Gasteizko presio handiak estaltzeko".

EAJk eta PSE-EEk akordioa sinatu zuten, elkar babesteko, baina, Andoainen, zinegotzi jeltzale bat abstenitu egin zen, eta EH Bilduk bereganatu zuen Alkatetza.

"Sozialistek trebetasun handia izan dute Gasteizen zuten arazo bat beste hainbat udaletara hedatzeko, Andoainera esaterako", adierazi du Egibarrek Euskadi Irratian egindako elkarrizketa batean.

Egibarrek esan duenez, "PSE-EEk bazekien guk arazo bat genuela Andoainen, aldez aurretik bitan esan baikenien".

"Benetako arazoa Gasteizen zegoen; larunbateko lehen ordutik esan ziguten ezin zutela [Gorka Urtaran EAJko hautagaiaren alde bozkatu], presio handia zutelako, PPk presioa egin ziolako. Guk esan genien emandako hitza bete behar zutela, eta eurek esan ziguten ezin zutela. Orduan, Andoaingoa etorri zen, eta sozialistek aitzakia gisa erabili zuten", azaldu du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena